Shakar tanqisligiga yo‘l qo‘yilmaydi

“O‘zbekoziqovqatxolding” kompaniyasi Respublikada shakar mahsulotiga bo‘lgan talabni to‘liq qondirish, ijtimoiy ahamiyatga molik bo‘lgan mahsulotni savdo do‘konlariga yetkazib berish, ichki bozorda shakar narxining asossiz oshishiga yo‘l qo‘ymaslik borasida tegishli amaliy ishlarini olib bormoqda.

Kompaniya matbuot kotibi U.Ruziyev:-“O‘zbekoziqovqatxolding” kompaniyasi Hukumat topshiriqlari asosida xorijiy hamkorlar bilan shakar importi bo‘yicha shartnomalar imzolagan. Ushbu sayi-harakatlardan ko‘zlangan asosiy maqsad shakar narxi keskin oshishining shuningdek, tuman hamda shaharlar kesimidagi savdo va ishlab chiqarish korxonalariga uzluksiz shakar yetkazib berish orqali uning tanqisligi oldini olish. Ayni paytda, aholimiz uchun shakarni 5000 so‘mdan oshmagan narxda sotish imkoniyati yaratiladi.