Яман ғарбидаги Ҳажжа вилоятида авиазарба билан савдо мажмуаси вайрон қилинди. Авиазарба оқибатида 15 киши ҳалок бўлган.

“РИА Новости” ахборот агентлигининг маълум қилишича, зарбани Саудия Арабистони бошчилигидаги араб коалицияси амалга оширган.

“Коалиция авиацияси савдо мажмуасига зарба берган. Бу вақтда унинг ичида кўплаб харидорлар ва сотувчилар бўлган. Зарба оқибатида 15 киши ҳалок бўлган, катта моддий зарар етказилган”, деб айтди манбалардан бири.

Коалицияда бу маълумотга ҳеч қандай изоҳ берилмаган.