Россиялик тадбиркор Алишер Усмонов Бельгиянинг «Андерлехт» клуби акцияларини сотиб олиш бўйича музокара ўтказмоқда.

Битим 80 миллион еврога баҳоланяпти, деб хабар беради HLN.

Усмоновдан ташқари, бельгиялик тадбиркорлар Пол Гейзенс ва Воутер Ванденхауте ҳам клуб акцияларига қизиқиш билдирган.

Ҳозирча, клуб раҳбарияти акцияларни кимга сотиш ҳақида бир қарорга келмаган.

Айни пайтда, Усмонов «Арсенал» клубининг 30% акциясига эгалик қилади. Гейзенс эса бельгиянинг яна бир клуби - «Антверпен»га хўжайинлик қилади. Бу унинг «Андерлехт» акцияларини қўлга киритиши йўлида ғов бўлиши мумкин.