Германиянинг техник назорат уюшмаси мутахассислари Европадаги энг ишончли автомобиллар рейтингини тузишди. Тадқиқот натижалари компаниянинг расмий сайтида эълон қилинди.    

Рейтингга кўра, энг ишончли машина деб Mercedes-Benz SLK топилди. 2-ўринни Volkswagen Golf Sportsvan эгаллади. Етакчи учликни эса B-синфдаги Mercedes якунламоқда. 4-ўринни Mercedes GLK, 5-ўринни эса Mazda 2 машиналари эгаллаган.  

Таъкидлаш жоизки, ёши 4 ва 5 йилдан каттароқ машиналар орасида B-синфдаги Mercedes, Porsche 911, Mazda CX-5 ва Audi Q5 моделлари етакчилик қилмоқда. Ёши 6 йилдан 7 йилгача бўлган машиналар орасида эса Porsche 911, Audi Q5 ва TT, Honda CR-V ва Mazda энг ишончлилари деб топилди.