Чехиялик машҳур теннисчи, Уимблдон-1998 ғолибаси Яна Новотна 49 ёшида вафот этди. Бу ҳақда RT хабар берган.

Таъкидланишича, Новотна узоқ вақт давомида саратондан даволанган ҳамда Чехиядаги ўз уйида ҳаётдан кўз юмган.

Машҳур спортчи ўз фаолияти давомида  яккалик баҳсларида 24 та WTA мусобақасини ва 76 тасини жуфтликда ютиб олган.

Маълумот учун, Яна Новотна 1968 йилнинг 2 октябрь куни Чехословакиянинг Брно шаҳрида дунёга келган. У 2006 йилда АҚШ фуқаролигини ҳам қабул қилган. Новотна ўтган асрнинг 90-йилларида аёллар теннисидаги энг ёрқин «юлдуз»лардан бири бўлган.