Хитой Халқ Республикаси Жамоат хавфсизлиги вазирлиги тарқатган маълумотга кўра, мамлакатда ўтказилган аҳолини қайта ҳисоблаш тадбиридан сўнг, мамлакат аҳолиси сони 1,399 миллиардни ташкил этиши аниқланган. Бу ҳақда Синхуа хабар берди.

Сешанба куни эълон қилинган ҳисоботда айтилишича, умуммиллий аҳоли ҳисоб-китоби ўз ниҳоясига етган. Ушбу маълумотлар омборида мамлакатдаги барча фуқаролар ҳақида ахборот мавжуд.

Расмийларнинг таъкидлашича, ушбу омбордан фақат ижтимоий хизматларни кўрсатиш, жумладан, нафақа ва пенсия тўлаш, тиббий суғурта, никоҳни қайд этишда фойдаланилади.

Аҳолини ҳисоблаб, улар ҳақдаги маълумотларни йиғишда Жамоат хавфсизлиги вазирлигига Инсон ресурслари ва ижтимоий хавфсизлик вазирлиги, Таълим вазирлиги, Фуқаролик маъмурияти вазирлиги кўмак кўрсатган.