Тожикистон давлат автомобиль инспекцияси аукцион ўтказади, унда "ВВ" — 07 ҳамда "ЕМ" — 01 сериядаги рақамлар тақдим этилади. Бу ҳақда Тожикистон ИИВ матбуот хизмати хабар бермоқда.

«Ким ошди» савдо 25 ноябрь куни эрталаб соат 10.00да бўлиб ўтади, савдоларда иштирок этиш учун мурожаатлар тадбирдан уч кун аввал қабул қилинади. Лотнинг бошланғич нархи 72 долларни ташкил этади.

Фуқаролар рўйхатдан ўтиш учун ўзлари билан паспорт, СТИР ва транспорт воситаси учун ҳужжатларни олган бўлишлари лозим, деб хабар қилмоқда тожик ОАВ.

«Чиройли» рақамлар рўйхати Тожикистон ИИВ сайтида эълон қилинган.