O‘zbekistonlik yana uch nafar bokschi professional boksda faoliyatini davom ettirishi mumkin

O‘zbekiston boks terma jamoasi a'zosi sanalgan Murodjon Ahmadaliyev (-56 kg), Elnur Abduraimov (-60 kg) va Bahodir Jalolov (+91 kg) yaqin kelajakda professional boksdagi ishtirokini boshlashi mumkin.

KUN.UZ manbasi bergan xabarga ko‘ra, ushbu bokschilarning barchasi AQShda janglarga tayyorgarlik ko‘rishi va ringga chiqishi mumkin. Hozircha ularning qaysi promouterlik kompaniyasi bilan ishlash niyatida ekani ma'lum emas. Lekin katta ehtimol bilan bu Top Rank promouterlik kompaniyasi bo‘lishi mumkin.

Eslatib o‘tamiz, 2016 yilgi yozgi Olimpiada o‘yinlari chempioni Fazliddin G‘oyibnazarov aynan Top Rank promouterlik kompaniyasi boshchiligida janglarga chiqadi.