24 ноябрь куни Сурхондарё вилояти, Термиз шаҳрида бокс бўйича Ўзбекистон чемпионати старт олди.

Ўзбекистон бокс федерацияси матбуот хизматининг хабар беришича, бу йил мусобақада республиканинг барча ҳудудларидан ташриф буюрган 200 нафардан зиёд боксчи 10та вазн тоифасида ғолиблик учун кураш олиб боришади.

Мусобақада жами 193та жанг бўлиб ўтади. Эътиборли жиҳати иштирокчилар орасида 2016 йилги Олимпиада чемпиони Шаҳобиддин Зоиров ҳам бор.

Бугун дастлабки жанглар бошланди.

30 ноябрь куни финал жанглари бўлиб ўтади.