Jeenbekov Atamboyevni qahramon deb e'lon qilmoqchi

Qirg‘izistonning yangi prezidenti Sooronbay Jeenbekov davlatning avvalgi rahbari Almazbek Atamboyevga respublika Qahramoni unvonini berish niyatida, deb xabar qilmoqda «Interfaks».

«Qirg‘izistonga fidokorona xizmatingiz va uzoq ko‘ra bilishingiz tufayli siz Qirg‘iziston Qahramoni oliy unvoniga va «Ak-Shumkar» (Oq lochin) ko‘krak nishoni bilan mukofotlanishga loyiqsiz», - deya aytib o‘tdi Jeenbekov inauguratsiya marosimidagi nutqida.

Qirg‘izistonning yangi prezidenti so‘zlariga ko‘ra, Atamboyevga xalq nomidan ushbu unvonni topshirish uning uchun katta sharafga aylanadi.

Jeenbekovning qayd etishicha, prezident lavozimidagi ilk farmoni Atamboyevning mukofotlanishi haqida bo‘ladi.