17:30 / 24.11.2017
15076

Zimbabvening yangi prezidenti G‘arb davlatlariga murojaat qildi

Zimbabvening yangi prezidenti Emmerson Mnangagva G‘arb davlatlarini mamlakatda inson huquqlari buzilishi holatlari tufayli avval qo‘llangan sanksiyalarni bekor qilishga chaqirdi. U Zimbabveda xorijiy investitsiyalar saqlab qolinishini ma'lum qilgan.

«Biz shuni so‘raymizki, o‘tmishda bizga qo‘llangan jazolar qayta ko‘rib chiqilishi kerak», — degan Mnangagva prezident sifatidagi ilk chiqishida.

U Zimbabve hukumati xorijiy investitsiyalar xavfsizligini kafolatlashini va'da qilgan.

Bundan tashqari, u avvalgi hukumat tomonidan yerlari tortib olingan oq tanli fermerlarning zararlari qoplab berilishini ma'lum qildi.

Qayd etish kerakki, yangi prezident mamlakatni 37 yil boshqargan diktator Robert Mugabega vitse-prezident hisoblanardi. U oktabr oyida lavozimidan iste'foga chiqarilgan, Mugabe uni davlat to‘ntarishi amalga oshirishga urinishda ayblagandi. Shundan so‘ng u mamlakatdan qochib ketdi. 15 noyabr kuni esa mamlakat armiyasi Mnangagvani qo‘llab chiqdi va poytaxtni egallab, Mugabeni hokimiyatdan chetlashtirdi. Bir necha kun o‘tib, Mugabe lavozimini o‘z ixtiyori bilan tark etdi.

Mavzu
Zimbabveda davlat to‘ntarishi
14 noyabr kuni Zimbabveda harbiylar mamlakat poytaxtiga kirdi. 15 noyabr kuni mamlakatga 37 yildan buyon rahbarlik qilib kelgan Robert Mugabe va oilasi qo‘lga olindi.
Barchasi
Mavzuga oid
Top