АҚШ Вашингтонда Фаластинни озод қилиш ташкилоти ишини тақиқлаш бўйича қарорни қайта кўриб чиқди. Бу ҳақда Associated Press хабар бермоқда.

Таъкидланишича, Фаластинни озод қилиш ташкилотининг Вашингтондаги офиси чекловлар билан ишлаши мумкин. Чекловлар эса 90 кундан сўнг олиб ташланиши эҳтимолга яқин.

Бундан ташқари, Вашингтондагилар Фаластинни озод қилиш ташкилоти ваколатхонасига «фақат исроилликлар ва фаластинликлар ўртасида барча томонлама ҳамда узоқ муддатли тинчликка эришишга боғлиқ ҳаракатлар билан чекланиш»ни тавсия қилишган.

Эслатиб ўтамиз, аввалроқ Фаластин ҳукумати АҚШ билан барча алоқаларни музлатиб қўйиш ҳақида қарор қабул қилгани хабар берилганди.