Германия канцлери Ангела Меркель Германияда қайта сайлов ўтказилишига қарши чиқмоқда. Бу ҳақда Die Welt нашри хабар бермоқда.

“Агар мавжуд натижа билан ишлай олмасак, унда одамлардан яна овоз беришларини сўрай оламиз, деб умуман ўйламайман”, деб айтган Меркель.

Меркель шунингдек социал-демократлар билан музокаралар ўтказиш имкониятини кўриб чиқишга чақирган.  

Аввалроқ Меркель бундестагга янги сайловлар ўтказилишини қўллаб-қувватлагани маълум қилинганди.