Германия чемпионатининг 13-туридан ўрин олган Мёнхенгладбахнинг «Боруссия» ва «Бавария» клублари ўртасидаги баҳс шиддатли тарзда кечди.

Биринчи бўлимда, мезбонлар бироз ташаббусга эга бўлиб, Азар ва Гинтернинг 5 дақиқа ичида урган голлари эвазига, икки тўп фарқи билан ҳисобда олдинга ўтиб олди.

Иккинчи бўлимда, «Бавария» кўпроқ ҳужум уюштирди. Аммо фақат 74-дақиқага келиб, Видалнинг голи туфайли, ҳисобни қисқартирди. Сўнгги дақиқаларда мюнхенликлар катта куч билан олдинга ўтди. Мезбонлар эса қарши ҳужумларда хавфли ўйнади. Гол уриш учун ҳар иккала жамоада имконият бўлса-да, ҳисоб ўйин охирига қадар ўзгармади.

Натижада, «Бавария» янги бош мураббий Юпп Ҳайнкес қўли остида чемпионатдаги илк мағлубиятини қабул қилди. Шундай бўлса-да, «Бавария» 29 очко билан мусобақа жадвалидаги пешқадамликни сақлаб қолди. «Боруссия» М 24 очко жамғариб, тўртинчи ўринга кўтарилди.

Бундеслига, 13-тур
Боруссия М – Бавария 2:1 (2:0, 0:1)

25 ноябрь, «Боруссия-Парк» стадиони
Голлар: 1:0 – 39, пенальти Азар, 2:0 – 44 Гинтер, 2:1 – 74 Видаль. 
Боруссия М – Зоммер, Гинтер, Вендт, Эльведи, Вестергор, Херрманн, Закария, Крамер (Янчке, 11; Джонсон, 46), Азар, Штиндль, Раффаэл (Дрмич, 90).
Бавария – Ульрайх, Зюле, Мартинес, Бернат (Коман, 45), Хуммельс, Руди (Вридт, 68), Киммих, Видаль, Толиссо, Хамес (Фридль, 46), Левандовски.
Огоҳлантиришлар: Толиссо (31), Эльведи (65).