Ироқнинг шиалар милицияси кучлари танкнинг жангариларга қарашли, портловчи моддалар билан тўлдирилган зирҳли машинасига қарши “дуэли” видеосини намойиш қилишди.

Дрондан олинган видеодан жангариларга тегишли, “жиҳод-мобиль” деб аталувчи машина ироқлик ҳарбийлар позицияларига бостириб келаётганини кўриш мумкин. Ҳарбийлар машинани тўхтатишга ҳаракат қилиб, дастлаб у томон автоматдан ўқ узишган. Сўнгра унга қарата танк ўқ узган, бироқ мўлжалдан адашган.

Автомобиль йўлида давом этиб, танкка яқинлашгач, катта куч билан портлайди. Унинг бўлаклари танкка, сал нарида турган БМПга тегади ва воқеани кузатиб турган бир ҳарбийни шикастлашига бир бахя қолади.