Foto: Youtube/Concept Creator
Tarmoqda Tesla kompaniyasi ishlab chiqarishi mumkin bo‘lgan smartfon kontsepti namoyish etildi. Video Concept Creator YouTube-kanalida taqdim etildi.
Rolikda ikki kamera, hoshiyasiz displey va metall korpus bilan jihozlangan gadjyet namoyish etilgan.
Internet foydalanuvchilari mualliflik smartfonining dizaynidan qoniqish hosil qilishdi va uning ishlab chiqarilishi yo‘lga qo‘yilgan taqdirda, IPhone'ning yangi modellariga navbat poylovchilar sonining kamayishini ta'kidlashdi.
Shuningdek izohlarda uning "elektrda" ishlash yo ishlamasligiga qiziqish bildirishdi.
Tesla kompaniyasi hozircha smartfon ishlab chiqarishni rejalashtirmagan.
