17:15 / 28.11.2017
18074

APLda «Midweek». 14-tur uchrashuvlari haqida

Angliya premer-ligasida bu hafta «miduik» kuzatilmoqda. Dekabrning o‘ta zich kalendariga so‘nggi repetitsiya sifatida haftaning o‘rtasida ham chempionati uchrashuvlari bo‘lib o‘tadi. Tribuna.Uz dunyoning eng ommabop chempionati 14-tur uchrashuvlariga batafsil to‘xtalib o‘tdi.

Lester - Tottenhem
Boshlanish vaqti: 29 noyabrga o‘tar kechasi, 00:45
Translyatsiya: Futbol TV, Match! Futbol 2

O‘zaro o‘yinlar
Ikki jamoa premer-liga doirasida 22 uchrashuv o‘tkazib, ularning 9tasida «Lester», 8tasida esa «Tottenhem» g‘alaba qozongan. 5ta uchrashuvda durang natija qayd etilgan. 

Qiziqarli faktlar
«Tottenhem» Angliya Premer-Ligasi doirasidagi «Lester» stadionida o‘tkazgan so‘nggi to‘rt uchrashuvdan buyon mag‘lubiyatga uchramagan va raqiblar darvozasiga 11ta gol kiritgan (3g‘alaba, 1durang).

«Lester» o‘z uyida APL doirasida o‘tkazgan so‘nggi 8 uchrashuvda bor-yo‘g‘i 8 ochko (2 g‘alaba, 2 durang, 4 mag‘lubiyat).

Harri Keyn APLdagi faoliyati davomida hech bir jamoaga «Lester»ga urganchalik ko‘p gol (10ta) kiritmagan.

Keyn ikki jamoa o‘rtasidagi may oyida bo‘lib o‘tgan so‘nggi uchrashuvda 4 gol va bitta golli uzatma muallifi bo‘lgan. Bu orqali u APLda bitta uchrashuvda beshta yoki undan ko‘p golda ishtirok etgan to‘rtinchi (Adebayor, Defo va Klinsmanndan keyin) «Tottenhem» futbolchisiga aylangandi.

Uotoford - Manchester Yunayted
Boshlanish vaqti: 29 noyabrga o‘tar kechasi, 01:00
Translyatsiya: Uzreport TV, Match TV, Match! Futbol 1

O‘zaro uchrashuvlar tarixi
«Uotford» va «Manchester Yunayted» jamoalari APL tashkil etilganidan buyon bor-yo‘g‘i 8 marta o‘zaro o‘yinda maydonga tushishgan. 7 uchrashuvda «Yunayted»ning qo‘li baland kelgan bo‘lsa, bitta uchrashuvda «Uotford» g‘alaba qozongan. O‘sha uchrashuv ham o‘tgan mavsumning birinchi davrasidagi uchrashuvda kuzatilgan.

Qiziqarli faktlar
«Manchester Yunayted» 1996 yilning yanvaridan buyon ilk marta APL doirasidagi mehmonda o‘tkazilgan ketma-ket uch uchrashuvni mag‘lubiyatsiz o‘tkazishi mumkin. Salkam 22 yildan buyon jamoa bu natijani uddalay olmaydi.

«Vest Hem» va «Nyukasl Yunayted» ustidan qozonilgan g‘alabalardan so‘ng «Uotford» 2015 yilning dekabridan buyon ilk marta ketma-ket uchta premer-liga uchrashuvida g‘alaba qozonish imkoniyatiga ega.

Joze Mourino «Uotford»ga qarshi APLda o‘tkazgan so‘nggi 4 uchrashuvning uchtasida g‘alaba qozongan va bir marta mag‘lubiyatga uchragan. Uchta g‘alabada ham uning jamoasi o‘z darvozasidan birorta to‘p olib chiqmagan.

«Uotford» hujumchisi Risharlison so‘nggi 8 uchrashuv davomida 7ta golda (4 gol, 3 golli uzatma) ishtirok etishga ulgurdi.

Romelu Lukaku APLda 200-uchrashuvini o‘tkazish imkoniyatiga ega bo‘ladi.

Arsenal — Haddersfild
Boshlanish vaqti: 30 noyabrga o‘tar kechasi, 00:45
Translyatsiya: Match! Igra

O‘zaro uchrashuvlar tarixi
Ikki jamoa premer-liga tashkil qilinganidan buyon ilk marta uchrashmoqda. Bungacha hali Angliya chempionati premer-liga nomini olmagan davrlarda 1972 yilda bu ikki jamoa so‘nggi marta duch kelgan va o‘sha mavsumda ikki uchrashuvda ham londonliklarning qo‘li baland kelgandi. Ikki jamoaning eng yaqin tarixdagi to‘qnashuvi 2011 yilda Angliya kubogida kuzatilgan bo‘lib, 2011 yil yanvarida bo‘lib o‘tgan uchrashuvda «Arsenal» 2:1 hisobida zafar quchgan.

Qiziqarli faktlar

«Arsenal» ketma-ket 11 uchrashuvdan buyon Premer-ligadagi uy uchrashuvlarida g‘alaba qozonmoqda. Bu borada ularning eng yaxshi natijasi 13 o‘yindagi ketma-ket g‘alaba sanaladi. O‘shanda 2005 yilning fevralidan noyabriga qadar «Xayberi»da londonliklar faqat va faqat g‘alaba qozongandi.

«Haddersfild» «Emireyts»dagi ilk uchrashuvda g‘alaba qozongan uchinchi APL («Vest Hem» va «Hall Siti»dan so‘ng) jamoasiga aylanishi mumkin.

Devid Vagner shogirdlari shuningdek APLda debyut qilgan mavsumidayoq «Arsenal» va «Manchester Yunayted»ni mag‘lubiyatga uchratgan ikkinchi jamoaga aylanishi mumkin. So‘nggi marta bu ishni 20 yil muqaddam «Sanderlend» 1996/97 yilgi mavsumda uddalagandi.

Aleksis Sanches APLga yo‘llanma olgan jamoalarga qarshi 18 uchrashuvda ishtirok etib 17 golda qatnashgan (13 gol, 4 golli uzatma).

Chelsi — Suonsi
Boshlanish: 30 noyabrga o‘tar kechasi, 00:45
Translyatsiya: Futbol TV, Match! Futbol 1

O‘zaro uchrashuvlar tarixi

 

Ikki jamoa APL doirasida 12 uchrashuvda maydonga tushgan bo‘lib, 7 uchrashuvda «Chelsi»ning qo‘li baland kelgan bo‘lsa, 4 uchrashuvda durang qayd etilgan, bitta uchrashuvda «Suonsi» g‘alaba qozongan.

Qiziqarli faktlar
«Chelsi» «Suonsi»ga qarshi «Stemford Brij»da o‘tkazgan 6 uchrashuvning birortasida mag‘lubiyatga uchramagan (5 g‘alaba, 1 durang). Yagona durang ham Joze Mourinoning o‘ta muvaffaqiyatsiz (2015/16) mavsumiga to‘g‘ri kelgan.

«Suonsi» «Chelsi» «Stemford Brij»da mag‘lub etgan ilk Uels jamoasi bo‘lishi mumkin.

Joriy mavsumda Alvaro Morataning bir o‘zi (8 gol) APLda «Suonsi»ning jami gollaridan (7ta gol) ko‘proq to‘p kiritgan.

«Chelsi»ga tegishli bo‘lgan uchun bu uchrashuvda o‘ynay olmaydigan «Suonsi» hujumchisi Temmi Abraham joriy mavsumda gol kiritish (4ta), darvozaga zarba berish (22ta), aniq zarbalar (8ta) bo‘yicha «Suonsi»da eng yaxshi ko‘rsatkichga ega futbolchi bo‘lib turibdi.

Manchester Siti - Sauthempton
Boshlanish vaqti: 30 noyabrga o‘tar kechasi, 01:00
Translyatsiya: UzReport TV, Match TV

O‘zaro uchrashuvlar tarixi
Ikkala jamoa APL doirasida 26 uchrashuv o‘tkazgan bo‘lib, ularning 13tasida «Manchester Siti» jamoasi g‘alaba qozongan. 6 uchrashuvda «Sauthempton» vakillarining qo‘li baland kelgan. 7 uchrashuvda esa g‘olib nomi aniqlanmagan.

Qiziqarli faktlar
«Sauthempton» APLga qaytib, yana muntazam ishtirokini boshlaganidan buyon (so‘nggi olti uchrashuvdan buyon) «Etihad»da g‘alaba qozona olmaydi. (1 durang, 5 mag‘lubiyat). So‘nggi marta jamoa «Siti» uyidan 2004 yilning bahorida g‘alaba qozongan.

«Manchester Siti» ortda qolgan 13 turdan so‘ng 37 ochko to‘plagan va bu borada APL tarixida eng yaxshi start olgan jamoa bo‘lib turibdi.

Joriy mavsumda «Manchester Siti» o‘z uyida 24ta gol kiritishga muvaffaq bo‘ldi va 2016/17 yilgi mavsumning dastlabki 6 uy uchrashuvida kiritgan gollaridan ikki baravar ko‘proq gol kiritishga muvaffaq bo‘ldi.

«Sauthempton» hujumchisi Charli Ostin APL doirasidagi so‘nggi 11 uchrashuvida o‘ynab, 8golda (7 gol, 1ta golli pas) ishtirok etdi.

Serxio Aguero «Sauthempton»ga qarshi so‘nggi 6 uchrashuvda 3ta gol va 2ta golli uzatma muallifi bo‘lgan. Shuningdek u o‘zi ishtirok etgan APLdagi ketma-ket 6 uchrashuvdan buyon gol urmoqda va bu davrda 8ta to‘pga mualliflik qildi.

Stok Siti - Liverpul
Boshlanish vaqti: 30 noyabrga o‘tar kechasi, 01:00
Translyatsiya: Match! Futbol 2

O‘zaro uchrashuvlar tarixi
Ikki jamoa APL doirasida o‘zaro 18 marta to‘qnash kelgan bo‘lib, 9 uchrashuvda «Liverpul», 4 uchrashuvda esa «Stok»ning qo‘li baland kelgan5 uchrashuvda g‘olib nomi aniqlanmagan.

Qiziqarli faktlar

«Liverpul» «Stok Siti»ga qarshi premer-liga doirasidagi so‘nggi 8 uchrashuvning 7tasida g‘alaba qozongan va 1ta o‘yinda mag‘lub bo‘lgan. O‘shanda Stiven Jyerrardning klub bilan xayrlashuv uchrashuvi bo‘lgandi va «Stok» 6:1 hisobida «Liverpul»dan ustun kelgan.

«Stok Siti» bosh murabbiyi Mark Hyuz «Liverpul»ga qarshi 13 uchrashuvda mag‘lubiyatga uchragan va bu borada faqat «Chelsi»ga qarshi (16 mag‘lubiyat) o‘yinlarda ko‘proq yutqazgan.

Cherdan Shaqiri Premer-liga doirasidagi so‘nggi 6 uchrashuvda 2ta gol va 4 golli uzatma muallifi bo‘ldi.

Filipp Koutino «Stok Siti»ga qarshi so‘nggi ikki uchrashuvida ham gol kiritgan. Bu safar u ketma-ket uchinchi uchrashuvda muvaffaqiyat qozonishi mumkin. Bungacha Koutino faqat bir marta «KPR»ga qarshi ketma-ket uch uchrashuvda gol kiritgan.

Boshqa uchrashuvlar
Brayton — Kristal Pelas,
Boshlanish vaqti: 29 noyabrga o‘tar kechasi, 00:45
«Manchester Siti»ga qarshi APLdagi debyut uchrashuvidagi mag‘lubiyatdan so‘ng «Brayton» o‘z uyida o‘tkazgan beshta uchrashuvda ham mag‘lubiyatga uchramadi.

Vest Bromvich — Nyukasl
Boshlanish vaqti: 29 noyabrga o‘tar kechasi, 01:00
«Vest Bromvich» «Nyukasl»ga qarshi so‘nggi o‘z uyida o‘tkazgan so‘nggi 3 uchrashuvning 2tasida g‘alaba qozongan. So‘nggi bor bu voqea 2015 yilda kuzatilgan.
Bornmut — Byornli
Boshlanish vaqti: 30 noyabrga o‘tar kechasi, 00:45
«Byornli» mehmonda o‘tkazgan so‘nggi 8 uchrashuvning 4tasida g‘alaba qozonishga muvaffaq bo‘ldi va joriy mavsumda mehmonda jami 11 ochko ishlashga ulgurdi.

Everton —Vest Hem
Boshlanish vaqti: 30 noyabrga o‘tar kechasi, 01:00
«Everton» «Vest Hem»ga qarshi so‘nggi 18ta APL uchrashuvida faqat bir marta mag‘lubiyatga uchragan. 
Devid Moyyes sobiq jamoasi «Everton»ga qarshi 4 marta o‘ynab barchasida yutqazgan va u APLda hech qachon yuta olmagan yagona jamoa bo‘lib qolmoqda.

Azamat Murodov tayyorladi.

Top