Англия чемпионатининг 14-туридан турнир жадвали юқорисидаги жамоалар йўқотишларсиз ўтиб олди. 

«Арсенал» бу турда «Ҳаддерсфилд Таун»ни йирик ҳисобда мағлуб этди. Лондондаги «Эмирейтс — Эшбертон Гроув» стадионида кечган учрашув майдон эгаларининг 5:0 ҳисобидаги ғалабаси билан якунланди. «Канонирлар» турнирда қаторасига учинчи ғалабага эришди.

Ўйиндаги голларга Александр Ляказетт, Алексис Санчес, Месут Ўзил ва Оливье Жиру (дубль) муаллифлик қилишди.

Бу ғалабадан кейин Арсен Венгер шогирдлари очколари сонини 28тага етказиб, тўртинчи ўринда мустаҳкам жойлашган, мавсум дебютанти, ўтган турларда «Манчестер Юнайтед»ни енгган ва «Манчестер Сити»га қарши тенгма-тенг ўйин кўрсатган «Ҳаддерсфилд» эса 15 очко билан 14-поғонада.

«Манчестер Сити» Англия чемпионатининг 14-турида «Саутҳемптон»га қарши ўйнади. Манчестердаги «Этиҳад Стэдиум» стадионида кечган учрашув майдон эгаларининг 2:1 ҳисобидаги ғалабаси билан якунланди.

Иккинчи бўлим бошида Кевин Де Брюйне жарима майдони ташқарисидан тўпни дарвозанинг яқин бурчагига йўллади, тўп ҳимоячига тегиб, дарвоза тўрига йўналди. 75-дақиқада Софьян Буфаль Ориоль Ромеуни қулай вазиятга чиқарди ва ҳисоб тенглашди. Ўйинга қўшиб берилган дақиқаларда Раҳим Стерлинг ғалаба голини урди ва Гвардиола жамоаси йўқотишсиз давом этишини таъминлади.

Бу қийин ғалабадан кейин «Манчестер Сити» турнир жадвалида 40 очко билан пешқадамликни давом эттирмоқда, «Саутҳемптон» 16 очкоси билан 11-поғонада жойлашган.

«Арсенал» ва «Манчестер Сити» ортидан «Челси» ҳамда «Ливерпуль» ҳам навбатдаги очколарга эга бўлди.

Лондон жамоаси ўз уйида «Суонси»ни қабул қилди ва 55-дақиқада ҳимоячи Антони Рюдигер урган ягона гол эвазига ғалаба қозонди. Бу натижадан кейин Конте шогирдлари турнир жадвалидаги учинчи ўринни сақлаб қолди (29 очко).

«Ливерпуль» бу турда «Сток Сити» майдонига сафар қилиб, рақибга ҳеч қандай имкон қолдирмади - 3:0. Ўйинга иккинчи бўлимда қўшилган Салоҳ иккита гол урди ва турнир тўпурарлари рўйхатида яққол етакчига айланди, яна бир голни Садио Мане ўз ҳисобига ёзиб қўйди. Бу ғалабадан кейин Юрген Клопп жамоаси турнир жадвалида 26 очко билан бешинчи ўринда бормоқда.

14-турнинг яна бир учрашувида «Эвертон»  «Вест Ҳэм Юнайтед»ни йирик ҳисобда таслим этди (4:0). Ўйинда Уэйн Руни ҳет-трик қайд этди. Бу Сэм Эллардайснинг ўзига хос қайтишига айланди.

«Бёрнли» эса «Борнмут» майдонидан ғалаба билан қайтди (2:1).

Англия премьер-лигаси
14-тур

Арсенал – Ҳаддерсфилд 5:0 (1:0, 4:0)
Голлар: 1:0 – 3 Ляказетт, 2:0 – 68 Жиру, 3:0 – 69 Санчес, 4:0 – 72 Ўзил, 5:0 – 87 Жиру.
Арсенал – Чех, Косьельни, Мустафи, Монреаль, Бельерин, Рэмзи (Уилшер, 73), Чака, Колашинац, Ўзил, Санчес (Уэлбек, 73), Ляказетт (Жиру, 46).
Ҳаддерсфилд – Лессль, Йоргенсен, Шиндлер, Крэйни, Хадерджонай, Муй (Уильямс, 74), Хогг (Уайтхэд, 78), Леве, Кванер, Качунга, Мунье (Депуатр, 74).
Огоҳлантириш: Муй (60).

Манчестер Сити – Саутгемптон 2:1 (0:0, 2:1)
Голлар: 1:0 – 47 де Брюйне, 1:1 – 75 Ромеу, 2:1 – 90 Стерлинг.
Манчестер Сити – Эдерсон, Уокер, Компани, Отаменди, Делф, де Брюйне, Фернандиньо, Гюндоган (Бернарду Силва, 80), Стерлинг, Агуэро, Габриэл Жезус (Сильва, 74).
Саутҳемптон – Форстер, Соареш (Маккуин, 87), Йосида, ван Дейк, Худт, Бертран, Хейбьерг (Буфаль, 64), Ромеу, Лемина, Редмонд, Лонг (Остин, 83).
Огоҳлантиришлар: Компани (36), Лонг (66).

Челси – Суонси 1:0 (0:0, 1:0)
Гол: 1:0 – 55 Рюдигер.
Челси – Куртуа, Рюдигер, Кристенсен, Кэйхилл, Дзаппакоста (Мозес, 75), Фабрегас, Канте, Алонсо, Виллиан (Дринкуотер, 81), Педро (Азар, 81), Мората.
Суонси – Фабианьски, Нотон, ван дер Хорн, Моусон, Ольссон, Ки Сон Ен, Меса (Макберни, 65), Кэрролл, Саншеш (Фер, 46), Бони, Айю (Раутледж, 84).
Огоҳлантириш: Мората (90).

Сток Сити – Ливерпуль 0:3 (0:1, 0:2)
Голлар: 0:1 – 17 Мане, 0:2 – 77 Салоҳ, 0:3 – 83 Салоҳ.
Сток Сити – Грант, Зума, Шоукросс, Мартинс Инди, Диуф, Флетчер (Адам, 85), Аллен, Питерс, Шакири, Шупо-Мотинг (Хесе, 74), Крауч.
Ливерпуль – Миньоле, Гомес, Матип, Ловрен, Морено, Жан, Вейналдум, Окслейд-Чемберлен (Милнер, 67), Фирмино, Мане (Ҳендерсон, 89), Соланке (Салоҳ, 67).
Огоҳлантиришлар: Миньоле (39), Жан (56), Вейналдум (63), Мартинс Инди (65), Окслейд-Чемберлен (66), Мане (74).

Эвертон – Вест Ҳэм 4:0 (2:0, 2:0)
Голлар: 1:0 – 18 Руни, 2:0 – 28 Руни, 3:0 – 66 Руни, 4:0 – 78 Уильямс.
Эвертон – Пикфорд, Кенни, Холгейт, Уильямс, Мартина, Дэвис, Гуйе, Леннон (Лукман, 89), Руни (Банингиме, 85), Сигурдссон, Кэлверт-Льюин (Влашич, 90).
Вест Ҳэм – Ҳарт, Сабалета, Рид (Райс, 77), Огбонна, Крессуэлл, Обианг (Сако, 46), Арнаутович (Антонио, 62), Куяте, Лансини, Масуаку, Айю.
Огоҳлантиришлар: Сабалета (26), Сигурдссон (35), Дэвис (53).

Борнмут – Бёрнли 1:2 (0:1, 1:1)
Голлар: 0:1 – 37 Вуд, 0:2 – 65 Брэйди, 1:2 – 79 Кинг.
Борнмут – Бегович, Фрэнсис, Кук, Аке, Дэниэлс, Айб (Фрэйзер, 69), Серман, Артер (Кук, 58), Пью (Дефо, 64), Кинг, Уилсон.
Бёрнли – Поуп, Бардсли, Тарковски, Ми, Уорд, Гудмундссон, Дефур (Вествуд, 75), Корк, Брэйди, Хендрик (Барнс, 86), Вуд (Воукс, 90).
Огоҳлантириш: Воукс (90).