Samarqandda «O‘zbekiston Konstitutsiyasiga 25 yil» esdalik nishoni egalariga tantanali topshirildi – foto

Bugun Samarqand viloyat hokimligida va viloyatdagi tashkilotlarda rahbarlar, nuroniylar, mamlakatimiz iqtisodiyoti, tinchligi va farvonligi yo‘lida beminnat mehnat qilib kelayotgan fuqarolarga «O‘zbekiston Konstitutsiyasiga 25 yil» esdalik nishonini tantanali topshirish marosimi bo‘lib o‘tdi.

Viloyat hokimligida bo‘lib o‘tgan tadbirda so‘zga chiqqan viloyat hokimi T.Jo‘rayev yig‘ilganlarni bosh qomusimizning chorak asrlik bayrami bilan qutlab, huquqiy demokratik va ijtimoiy adolatli jamiyat qurish yo‘lidagi sa'y-harakatlariga muvaffaqiyatlar yor bo‘lishini tiladi.

Shundan so‘ng ushbu zalda yig‘ilganlarga, keyinroq viloyatning boshqa boshqarma, korxona va tashkilotlarida esdalik nishonlari egalariga topshirildi.

O‘z muxbirimiz