Бангладеш ҳукумати тахминан 100 минг роҳингя мусулмонларини Бенгал кўрфазидаги кимсасиз ва тез-тез сув тошқинларига учрайдиган Тенгар Чар оролига кўчириш бўйича режани тасдиқлади. Бу ҳақда CNN хабар бермоқда.

Таъкидланишича, қочқинларни Тенгар Чарга 2019 йилнинг ноябрига қадар кўчириш режалаштирилмоқда. Оролдаги қурилиш ишлари «тез орада» бошланади, режа бюджети – 278 миллион АҚШ доллари.

Эслатиб ўтамиз, аввалроқ АҚШ Давлат департаменти Мьянмага қарши роҳингя мусулмонлари ҳуқуқларининг бузилиши туфайли санкциялар жорий этиш билан таҳдид қилганди.