Россия президенти Владимир Путин 11 декабрь куни Мисрга ишчи ташриф билан боради. Бу ҳақда РИА «Новости» хабар тарқатди.

Қайд этилишича, Путин президент Абдул Фаттоҳ ас-Сисий билан Яқин Шарқ ва Шимолий Африкадаги хавфсизлик ва барқарорликни таъминлаш масаласини муҳокама этади.

«Ўн биринчи декабрь куни Россия президенти Владимир Путин Миср Араб Республикасига ишчи ташриф билан боради. Президент Абдул Фаттоҳ Сисий билан музокаралар чоғида Россия ва Миср ўртасидаги сиёсий, иқтисодий, энергетика ва гуманитар соҳалардаги муносабатларни ривожлантириш масалалари муҳокама этилади», — дейилган хабарда.