Фаластин АҚШ ал-Қудсни Исроил пойтахти сифатида тан олгани туфайли халқаро судга мурожаат қилади, деб маълум қилди Фаластиннинг Россия Федерациясидаги элчиси Абдул Ҳофиз Нофал РИА Новости’га.

"Албатта", - деди у, Фаластин халқаро судга мурожаат қиладими, деган саволга жавоб қайтариб.

Фаластин элчисининг сўзларига кўра, унда Россия ТИВда АҚШнинг ал-Қудсни Исроил пойтахти сифатида тан олиши масаласи бўйича учрашувлар ўтказилган, ҳамда Россия томони Шарқий ал-Қудсни Фаластин, Ғарбийсини эса – Исроил пойтахти, деб ҳисоблаши ҳақидаги ўз позициясини тасдиқлади.

Шунингдек Нофалнинг таъкидлашича, Фаластин Америка томонининг бундай ҳаракатлари туфайли АҚШни бундан буён Фаластин-Исроил можаросига ечим топиш бўйича тинч жараённинг бир қисми, деб санамайди.

АҚШ президенти Дональд Трамп чоршанба куни ал-Қудсни Исроил пойтахти сифатида тан олиши ва Америка элчихонасини Тель-Авивдан ал-Қудсга кўчириши ҳақида маълум қилди. Исроил бош вазири Биньямин Нетаньяху Трампга «жасур ва адолатли» қарор учун миннатдорлик билдирди. Ўз навбатида, Фаластин етакчиси Маҳмуд Аббос Трампнинг қарорини Яқин Шарқдаги тинч жараёнда Америка иштирокининг якуни деб атади.

Исроил ал-Қудсни, жумладан, Иорданиядан ярим аср аввал эгаллаб олинган унинг шарқий туманлари ва тарихий марказини ўзининг “ягона ва ажралмас” пойтахти сифатида эълон қилди. Жаҳон ҳамжамияти босиб олиш ҳолатини тан олмайди ва шаҳар мақомини Яқин Шарқдаги можаронинг энг асосий муаммоларидан бири сифатида кўради. Шу сабабдан барча хорижий элчихоналар Тель-Авивда жойлашган.