13:42 / 11.12.2017
9934

AI: IShIDning 6 mingga yaqin jangarisi Afrikaga qaytishi mumkin

Foto: Reuters

Yaqin Sharqda IShID tarkibida jang qilayotgan afrikalik 6 mingga yaqin jangari Afrikaga qaytishi mumkin. Bu haqda Afrika Ittifoqi tinchlik va xavfsizlik masalalari bo‘yicha komissari Smail Shergi bayonot berdi. U Jazoirning Oran shahrida terrorchilik tahdidlariga bag‘ishlangan forumda chiqish qilar ekan, shunday xavotirlarni bildirdi, deb xabar qilmoqda Daily Sabah nashri. 

"Hisobotlarda 30 ming xorijlik ishidchilar orasida 6 ming afrikalik borligi aytiladi, - degan Shergi. – Bu guruhlarning Afrikaga qaytishi tinchlik va xavfsizlik borasida jiddiy tahdid uyg‘otishi ehtimoli Afrika mamlakatlarining qalin hamkorligini talab etadi". 

U qit'a mamlakatlarini o‘z vatanlariga qaytayotgan "qurollangan nusxalar xususida ma'lumotlar bilan almashishga" chaqirdi. 

Bundan avval, Afrika Ittifoqi ishchi guruhi tarkibiga kiruvchi ekspertlar ham IShID jangarilarining bir qismi Afrikaga ko‘chishi mumkinligidan ogohlantirishgan edi. 

Mavzuga oid
Top