Foto: RIA Novosti
Suriya hududi deyarli terrorchilardan ozod qilindi, Rossiya qurolli kuchlarini keng qo‘llagan holda hal qilinishi kerak bo‘lgan vazifalar umuman olganda bajarilgan, deb ma'lum qildi Rossiya prezidenti Vladimir Putin.
“Rossiya harbiy-koinot kuchlari ko‘magida Suriyaning barcha hududi deyarli terrorchilardan ozod qilindi. Rossiya qurolli kuchlarini qo‘llagan holda hal qilinishi kerak bo‘lgan vazifalar umuman olganda bajarilgan, deb hisoblayman”, deb aytgan Putin Misr prezidenti Abdul Fattoh as-Sisiy bilan muzokaralar natijalariga ko‘ra.
Putin 11 dekabr ertalab Suriyadagi Hmaymim aviabazasiga tashrif buyurib, Suriyadan Rossiya qo‘shinlarining katta qismi olib chiqilishini e'lon qilgan.
