Tojikiston va Turkiya bosh vazirlari Qohir Rasulzod hamda Binali Yildirim Istanbulda ikki mamlakat o‘rtasidagi tovar aylanmasini 1 milliard dollarga yetkazishga kelishib oldilar. Bu haqda Tojikiston Tashqi ishlar vazirligi matbuot xizmati xabar bermoqda.
Xabar qilinishicha, tomonlar uchrashuv davomida mamlakatlar o‘rtasidagi tovar aylanmasini 1 milliard dollarga yetkazish bo‘yicha qat'iy fikrda ekanliklarini tasdiqlashgan.
Ular tekstil sanoati, gidroenergetika, foydali qazilmalarni o‘zlashtirish va qo‘shma sanoat korxonalarini yaratish sohalarida o‘zaro hamkorlikni yanada rivojlantirish katta salohiyatga egaligini alohida qayd etib o‘tishgan.
