Foto: Getty Images
Ozarboyjon prezidenti Ilhom Aliyev 13 dekabrda Istanbulda o‘tayotgan Islom hamkorlik tashkiloti sammitida AQShning Al-Qudsni Isroil poytaxti deb tan olishi qarori Falastin-Isroil ixtilofini hal qilishga salbiy ta'sir qilishi va qayta ko‘rib chiqilishi kerakligini aytdi.
“AQSh prezidenti Donald Trampning Al-Qudsning Isroil poytaxti deb tan olinishi va u yerga AQSh elchixonasining ko‘chirilishi qarori bizda xavotir uyg‘otmoqda. Bu qaror Falastin-Isroil ixtilofini adolatli va har tomonlama hal qilishga salbiy ta'sir qiladi, u Yaqin Sharq uchun xavfli oqibatlarga olib kelishi mumkin. Fikrimizcha, AQSh bu qarorini qayta ko‘rib chiqishi lozim”, deb aytgan Aliyev.
