Мьянмада 25 августдан 24 сентябрга қадар камида 9 минг роҳингя мусулмонлари ҳалок бўлди. Бу ҳақда “Чегарасиз шифокорлар” (Médecins Sans Frontières, MSF) халқаро ташкилоти ўтказилган тадқиқотлар якуни бўйича хабар берди.

"MSF томонидан Бангладешдаги қочқинларга мўлжалланган лагерларда ўтказилган тадқиқотлар шуни кўрсатмоқдаки, Мьянманинг Ракхайн штатида 25 августдан 24 сентябрга қадар камида 9 минг роҳингя мусулмонлари ҳалок бўлди. Ўлим ҳолатларининг қарийб 71,7 фоизи зўравонлик натижасида рўй берган, камида 6,7 минг роҳингя ўлдирилди, улар орасида беш ёшдан кичик 730 нафар бола ҳам бор", - дейилади ташкилот сайтида эълон қилинган хабарда.