16:26 / 15.12.2017
47662

Savdo markazidan qulagan qizni qutqarishga uringan erkakning o‘zi halok bo‘ldi (video)

Xitoyning Sian shahrida istiqomat qiluvchi 43 yoshli qorovul Li Gou savdo markazi derazasidan pastga qulagan ayolni ushlab olishga urinib, halok bo‘ldi.

Erkak deraza yoqasida turgan ayolni payqab qolgan hamda pastga qulashning oldini ola olmaganiga yarasha, yerga urilish zarba kuchini o‘z tanasi bilan kuchsizlantirishga harakat qildi. Afsuski, 13 qavatdan pastga qulash ham ayolga, ham uni qutqarib qolishga bel bog‘lagan erkakka hech qanday imkoniyat qoldirmadi – har ikkovi ham voqea joyida halok bo‘lgan.

Mahalliy OAVning xabar berishicha, sobiq harbiy Li Gou o‘limidan so‘ng Shensi hukumati tomonidan qahramonligi uchun taqdirlangan. Jasorat ko‘rsatgan erkakning olti yoshli qizi va keksa ota-onasi uning ortidan qoldi.

Top