Foto: AP / Yoan Valat
Saudiya Arabistoni qiroli Salmon bin Abdulaziz Ol Saud 18 dekabrda Markaziy razvedka boshqarmasi direktori Mayk Pompeoni qabul qildi va u bilan Yaqin Sharqdagi vaziyatni muhokama qildi. Bu haqda SPA axborot agentligi ma'lum qildi.
Bundan tashqari, agentlik ma'lumotlariga ko‘ra, uchrashuvda AQSh va qirollik o‘rtasida munosabatlarni mustahkamlash haqida ham gap borgan.
Avvalroq Pompeo Saudiya Arabistoni xavfsizlik sohasida Isroil bilan hamkorlik qilishini aytgandi hamda Ar-Riyodni terrorchilik va Eronga qarshi kurashish uchun AQSh, Isroil va Turkiya o‘rtasidagi ittifoqqa qo‘shilishga chaqirgandi. Pompeoning bu taklifi arab davlatlari tomondan tanqid ostiga olingan.
