17:03 / 19.12.2017
12997

FXX: Terrorchilar MDH davlatlari elchixonalariga hujum qilishni rejalashtirishgan edi 

Foto: RIA Novosti / Sergey Guneyev

MDH davlatlari maxsus xizmatlari Rossiya va Markaziy Osiyo mamlakatlarida teraktlarning oldini oldi, shuningdek Hamdo‘stlik davlatlari elchixonalariga uyushtirilishi mumkin bo‘lgan ehtimoliy hujumlarga yo‘l qo‘yishmadi. Bu haqda Rossiya Federal xavfsizlik xizmati direktori Aleksandr Bortnikov MDHga a'zo mamlakatlar xavfsizlik organlari va maxsus xizmatlari rahbarlari Kengashining yig‘ilishida chiqish qilib aytib o‘tdi.

«Rossiya va Markaziy Osiyoda qator terrorchilik xurujlarining oldi olindi, jangarilar bizning davlatlarga tegishli xorijdagi diplomatik vakolatxonalarga uyushtirmoqchi bo‘lishgan hujumlariga yo‘l qo‘yilmadi», - deya Bortnikovning so‘zlarini keltiradi RIA Novosti.

Suriya va Iroqda mag‘lubiyatga uchragan xalqaro terrorchilar qayta guruhlarga bo‘lindi hamda Yaqin Sharqdan tashqariga yo‘l olmoqda, deb xabar bergan Bortnikov.

«Afg‘oniston jangarilar to‘planayotgan asosiy markazga aylanmoqda, bu yerda IShID pozitsiyalari bor hamda aynan shu yerdan terrorchilar MDH mamlakatlari hududiga kirib olish imkoniyatiga ega», - deya aytib o‘tdi Bortnikov.

Bortnikovning qo‘shimcha qilishicha, MDH davlatlari xavfsizlik organlari Suriyada terrorchilar tomonida jangovar harakatlarda ishtirok etmoqchi bo‘lgan shaxslarni yuborishning o‘n bitta kanalini bartaraf etishgan.

Shuningdek maxsus xizmatlar tashkilotga kiruvchi davlatlar diplomatik vakolatxonalariga ehtimoliy hujumlarning oldini olishdi.

Mavzuga oid
Top