Ispaniyada Marca nashri sovrinlarining topshirish marosimi o‘tkazildi.
Nashr o‘quvchilari va muxlislar orasida o‘tkazilgan so‘rovnomaga ko‘ra, «Barselona» hujumchisi Lionel Messi faoliyatida beshinchi marta Primeraning eng yaxshi futbolchisi deb topildi va Alfredo Di Stefano sovriniga ega bo‘ldi. Natijada, bu ko‘rsatkich bo‘yicha u to‘rtta sovringa ega bo‘lgan Krishtianu Ronaldudan o‘zib ketishga muvaffaq bo‘ldi.
O‘tgan mavsumda, «Barselona» Ispaniya chempionatida 2-o‘rinni qo‘lga kiritgan edi. Messi esa 37ta gol bilan eng yaxshi to‘purar bo‘lgandi.
