3 йилдан бери қуролли ихтилоф давом этаётган Яманда аҳолига озиқ-овқат етишмовчилиги хавф солмоқда. Бундан Oxfam гуманитар бирлашмаси огоҳлантирмоқда.

Яманда ихтилоф йиллари давомида 5300 киши ҳалок бўлган, 3 млн киши ўз уйларини тарк этишга мажбур бўлган ва бир млн.га яқин киши вабога чалинган. 

Яманда, шунингдек, ёнилғи ва дори-дармон етишмовчилиги кузатилмоқда. 

Яманнинг асосий портларининг блокада қилиниши мамлакатда озиқ-овқат маҳсулотларининг кескин қимматлашишига олиб келган. Яманда 7 млн.дан кўпроқ одам очарчилик хавфига тўқнаш келди.

“Яманнинг вабо тарқалган шаҳарлари ва қишлоқларида ичимлик суви мавжуд эмас. Кўплаб шифохоналарда дори-дармон йўқ, бўғма касаллигига (дифтерия) чалиниш ҳолатлари кўпаймоқда”, деб айтилган хабарда.

Яманда 2014 йилдан бери “Ансор Аллоҳ” шиалар ҳаракати исёнчилари ва мамлакат президенти Абдураббо Мансур Ҳодийни қўллаб-қувватловчи ҳукумат қўшинлари ўртасидаги ихтилоф тўхтамаяпти.