Aqidaparast kimsalar bizga yarashmaydi - Prezident

O‘zbekiston prezidenti Shavkat Mirziyoyev Oliy Majlis Senati va Qonunchilik palatasi a'zolariga Murojaatnomasida yoshlar tarbiyasiga alohida to‘xtaldi.

«Islom madaniyati markazi haqida. BMTda bekorga al-Buxoriy markazi haqida gapirganim yo‘q. Hozirgi yoshlardan al-Buxoriyni kim o‘qiyapti? Adashganlar bo‘lishi mumkinmi bizning mahallada, jamiyatda? Kim javob beradi? Ijro organi. Afv etilganlarning taqdirlari nima bo‘layapti. Hokim, diniy ishlar bo‘yicha vakil qayerga qaramoqda? Bitta nazariyachimiz yo‘q nomi chiqqan. Nasafiy bobomiz ming yil avval yozgan adashganlar haqida.

Hozir esa kitob yozganlarni topa olmadim.. 20 yilda bir narsani qoyil qilganlar yo‘q», dedi prezident.

Shavkat Mirziyoyev diniy oqimlarga berilgan kishilarga qarshi kurash masalasi haqida gapirgan.

«Qandaydir aqidaparast, diniy oqimlarga berilgan kimsalarning chiqishi endi bizga yarashmaydi. Biz buni bilib bilmaganga oldik. Xalq, jamiyat shug‘ullanishi kerak, deputat e'tibor qaratishi kerak.

«Mahalla», nozir xiyonat qilsa, bizga unday odamlar, rahbarlar nega kerak? Nega IIVga qattiq qarayapman? Mana, Moskvada yig‘ilishda vakillarimiz qatnashishdi. Qachon ogoh bo‘lamiz – har bir ko‘cha, uyda, mahallada ega bo‘lsa. Mahalladagi imom unga haqiqiy islomni tushuntira olsa, u adashganlarni kirgizishga haqqimiz yo‘q. Xudo ham, bandasi ham bizni kechirmaydi», dedi prezident.