O‘zbekiston prezidenti Shavkat Mirziyoyev Oliy Majlis Senati va Qonunchilik palatasi a'zolariga Murojaatnomasida O‘zbekiston Respublikasi Adliya vazirligi huzurida Davlat xizmatlari agentligi haqida ham so‘z yuritdi.
“Bu agentlik o‘sha endi qishloqda hamma joyda - notarial idorada navbat, pasport berish navbat, mahalladan ma'lumotnoma olish navbat, mashinaga ham navbat – hamma joyda korrupsiya. Endi unday gaplar bo‘lmaydi. Keldi, ma'lumotnoma berilmadimi – prezident qabulxonasiga keladi. Toshkentdagi rahbarni darrov ishdan olib tashlayman. Uch marta olib tashlayman, yangi odamlar qo‘yaman. Mana, ko‘ryapsiz yangi kadrlar qo‘ymoqdamiz, ikki yildan keyin ular zo‘r ishlaydi. Men ularga ishonaman.
Bu yil ko‘rasizlar, yana ko‘p vazirlarni ishdan olaman. Ko‘pchiligini pensiyaga jo‘natib yuboraman, nega desangizlar, ular ham ko‘p ishlagan, dam olsin, bo‘ldi, pensiya vaqti keldi hammasini. Hammamiz ketishimiz kerak, pensiya bo‘ldimi – bo‘ldi. Bir xillar bor sadoqat bilan ishlaydi, o‘zini qiynaydi, yangilikka intiladi, tashabbus beradi. Sadoqatli odamlarni boshimga ko‘taraman, quruq savlat bilan yuradiganlari menga kerak emas”, - dedi Shavkat Mirziyoyev
