Ronaldu ikki futbolchining transferiga qarshi chiqmoqda

«Real» hujumchisi Krishtianu Ronaldu jamoaga «Liverpul» yarim himoyachisi Muhammad Saloh kelishini istamayapti. U shuningdek, «Yuventus»dan Paulo Dibala transferi amalga oshirilishiga ham qarshi. Bu haqda Don Balon xabar tarqatdi.

Bundan avvalroq, mersisaydliklarning misrlik to‘purari «Real»ga o‘tmoqchiligi haqida xabarlar tarqalgandi. Futbolchi o‘z agentiga madridliklar klubi bilan muzokaralar o‘tkazishga ruxsat bergan.

Ushbu transfer qiymati 100 million yevroni tashkil etishi mumkin.

Joriy mavsumda Saloh Angliya chempionatida 19 uchrashuvda maydonga tushib, 15 gol urdi va 3 golga uzatma berdi.