2018 yildan boshlab Qirg‘izistondagi 4ta shaharda Ravon avtomobillari va Isuzu avtobusi ishlab chiqarilishi rejalashtirilmoqda. Bu haqda GM Uzbekistan AJ vakili Jahongir Tillayev xabar bergan.
Ma'lum qilinishicha, 5 million 180 ming AQSh dollari qiymatiga teng xorijiy sarmoya asosida tashkil etilishi nazarda tutilgan zavodlar Qirg‘izistonning Bishkek, O‘sh va Qora-Bolta shaharlarida ishga tushadi.
«Birinchi bosqichda 50ta yangi ishchi o‘rni yaratilishi belgilangan. Shuningdek, politexnika oliygohlari talabalari hamda bitiruvchilarini ishga jalb etmoqchimiz», – deb ta'kidlagan Tillayev.
«O‘zavtosanoat» AJ vakili Sanjar Alimovning aytishicha, O‘sh shahrida Ravon modellarini yig‘ib, ishlab chiqarishga mo‘ljallangan sharoitlar yetarlicha hozirlangan. Bir donasi 38 mingdan 77 ming dollargacha narxlanishi bildirilgan Isuzu avtobuslari esa poytaxt shaharda ishlab chiqariladi.
