Tunis vs BAA. Emirates Airlines reyslariga taqiq qo‘yildi

Tunis hukumati Emirates Airlines aviakompaniyasi reyslariga o‘z hududida qo‘nishni amalga oshirishga vaqtinchalik taqiq qo‘yish haqida ko‘rsatma berdi.

Bu haqda aviakompaniyaning Twitter’dagi sahifasida xabar qilingan.

«Tunis hukumati ko‘rsatmasiga ko‘ra, aviakompaniya Tunis va Dubay o‘rtasidagi o‘z reyslarini to‘xtatmoqda. Bunday qaror 25 dekabrdan kuchga kiradi», - deya ko‘rsatiladi bayonotda.

RIA Novosti’ning aniqlik kiritishicha, BAA 22 dekabr kuni Tunis fuqarolari bo‘lgan ayollarga o‘z hududiga uchib kelish yoki tranzitni amalga oshirishga taqiq joriy qildi.