200 nafar ichki ishlar xodimi jinoiy javobgarlikka tortildi - vazir

O‘zbekiston Respublikasi ichki ishlar vaziri Po‘lat Bobojonov O‘zA muxbiriga bergan intervyusida fuqarolarning haqli e'tirozlariga sababchi bo‘layotgan, nopok, tamagirlik, poraxo‘rlik va «Ichki ishlar organlari xodimi» degan nomga dog‘ tushirishi mumkin bo‘lgan salbiy xatti-harakatlarni sodir etishga moyil xodimlar haqida gapirib o‘tdi.

«Masalan, joriy yilning 11 oyida xizmat intizomini buzganligi uchun 7,5 mingga yaqin xodim intizomiy jazoga, jinoyat sodir etganligi uchun esa 201 nafari jinoiy javobgarlikka tortilgan. Biz bunday mas'uliyatsiz xodimlarni aniqlash va ularga nisbatan intizomiy jazo choralarini qo‘llash va saflarimizni tozalash bo‘yicha manzilli chora-tadbirlarni davom ettiramiz», — deya ichki ishlar vazirining so‘zlarini keltirgan agentlik.