«Nasaf» yarimhimoyachisi Bahrom Abdurahimov «Paxtakor» klubiga o‘tdi.
29 yoshli futbolchi «sherlar» bilan 2 yillik shartnoma imzoladi.
Bahrom Abdurahimov 2017 yilgi mavsumda, 30ta o‘yinda 10ta gol muallifi bo‘lgan. U faoliyati davomida «Andijon» va «Nasaf» klublarida o‘ynagan. Oliy liga miqyosida jami 146ta o‘yinda 17ta to‘p kiritgan. Qarshi klubi bilan O‘zbekiston Kubogi va Superkubogida g‘olib chiqqan.
«Paxtakor» futbol klubi yana bir futbolchini tarkibga qo‘shib olganini ma'lum qildi.
Yarimhimoyachi Dilshod Rahmatullayev va klub o‘rtasida ikki yillik shartnoma imzolandi.
28 yoshli futbolchi Oliy ligada «Lokomotiv», «Olmaliq» va «Nasaf» jamoalarida o‘ynagan. Shuningdek, Turkiya birinchi ligasining «Sanliurfaspor» klubida to‘p tepgan. Chempionatimizda jami 130 uchrashuvda 10ta gol muallifiga aylangan.
