КХДР 2018 йил февралида бўлиб ўтадиган қишки Олимпия ўйинларига терма жамоасини юборишга қарор қилди. Олимпиада мусобақалари Жанубий Кореянинг Пхёнчхан шаҳрида бўлиб ўтади. Бу ҳақда Янги йил мурожаатида Ш.Корея етакчиси Ким Чен Ин баёнот берди. 

"Биз терма жамоамизни юбориш ниятидамиз", - деб қайд этган у. Ким Чен Ин, шунингдек Корея республикаси билан муносабатлар яхшиланиши зарурлигини қайд этган. 

КХДР Олимпиадада иштирок этиш учун ариза топшириш муддатини ўтказиб юборган, аммо техник жиҳатдан январь ойи ўрталаригача ўз спортчиларини юбориш имконига эга.