Мадриднинг «Реал» клуби раҳбарияти трансферларга бағишланган махсус йиғилиш ўтказди.

Marca хабарига кўра, унда «Челси» яримҳимоячиси Эден Азар трансфери ғоясидан воз кечиш ҳақида қарор қабул қилинган. Раҳбарият Марко Асенсиога кўпроқ имконият бериш керак деган хулосага келган.

Қайд қилиш жоизки, бельгиялик футболчи трансферини сўраган бош мураббий Зинедин Зидан мажлисда иштирок этмаган.

Аввалроқ, «Реал» Азар трансфери учун 120 миллион евро ажратишга тайёрлиги ҳақидаги хабарлар тарқалган эди.