Нью-Йорк штати губернатори Эндрю Куомо ёмон об-ҳаво шароити туфайли штатда фавқулодда вазият тартиби киритилишини эълон қилди. Шунингдек, Нью-Йоркдаги Жон Кеннеди номидаги халқаро аэропорт ҳам ўз ишини тўхтатишга мажбур бўлган.

“Мен ёмон об-ҳаво шароити туфайли Нью-Йорк, Уэстчестер ва Лонг-Айлендда фавқулодда вазият тартиби киритилишини эълон қиламан”, деб ёзган Куомо твиттерда.

“Кучли шамол ва кўриш даражаси пастлиги сабабли парвозлар вақтинчалик тўхтатилди”, деб маълум қилинган Жон Кеннеди номидаги халқаро аэропортда. 

Об-ҳаво мутахассисларининг прогнозига кўра, ҳаво ҳарорати 9 градус совуқдан пасайиб кетади.