Медиамагнат Руперт Мердок АҚШ президенти Дональд Трампни «овсар» деб атаган. Бу Қўшма Штатлар етакчисининг иммиграция сиёсати бўйича фикрлари билан боғлиқ, деб хабар бермоқда The Guardian Мердокнинг биографи Майкл Вольф томонидан ёзилган ҳамда Оқ уйдаги низоларга бағишланган китобга таянган ҳолда.

Муаллиф Трампнинг технологик компаниялар раҳбарлари билан ўтган йилги учрашувини тилга олган. Энг асосий масалалардан бири хорижлик истеъдодли шахсларни техник компанияларга жалб этишда қўлланиладиган виза беришни чеклаш имкониятига тегишли эди.

Мердок телефон орқали мулоқотда Трампдан учрашув якунлари билан қизиққан ҳамда хорижликлар учун ушбу визаларни бериш тартиби соддалаштирилиши лозимлигини айтган, Трамп эса шундай жавоб қайтарган: «Биз ўзимиз ҳал қиламиз». Медиамагнат гўшакни қўйганидан сўнг, у Трампни «эси паст овсар» деб атади, дея ёзади китоб муаллифи.

Эслатиб ўтамиз, аввалроқ ОАВ Трампнинг Мердок билан ҳар ҳафталик суҳбатлари ҳақида хабар берганди. Таъкидланишича, давлат раҳбари ҳамда 21st Century Fox ва News Corporation медиаҳолдинглари раҳбари ўртасида яқин ҳамда чуқур муносабатлар ўрнатилган.