Rossiya Mudofaa vazirligi «Kommersant'» nashrining 31 dekabr kuni Suriyaning Xmeymim shahridagi aviabazada ruslarning 7ta samolyoti yo‘q qilingani haqida tarqatgan xabarini inkor qildi.
Harbiy muxbir Roman Saponkov Xmeymimdagi Su-24M bombardimonchi samolyoti hujum oqibatida jiddiy shikastlangani ko‘rinib turgan suratlarni namoyish etdi.
U suratlarni «VKontakte»dagi sahifasida e'lon qilgan. Bu suratlarga Suriyadagi jangari guruhlar faoliyatini yoritib boruvchi Directorate 4 Telegram-kanali e'tibor qaratgan.
«Texnika shikastlangan. Bitta Su-24, bitta Su-35S, bitta An-72, bitta An-30 razvedchigi, bitta Mi-8», — deyilgan xabarda. Saponkovning aniqlik kiritishicha, ikkita Su-24 va bitta Su-35S samolyotini safga qaytarishgan.
