Foto: Reuters
Avstraliya meteorologik xizmati Sidneyda 47 gradus issiq haroratni qayd qildi. Bu esa ushbu shahar uchun deyarli 80 yil ichidagi eng yuqori havo harorati bo‘ldi. Bu haqda Yangi Janubiy Uels shtati ob-havo mutaxassislari byurosi tvitterda ma'lum qildi.
Ma'lumotlarga ko‘ra, oxirgi marta bunday issiq ob-havo qit'aning eng yirik va eng qadimiy shahrida 1939 yilda qayd qilingan.
Hukumat yuqori yong‘in xavfsizligi haqida ogohlantirish bergan va havo harorati yuqori bo‘lgan hududlarda olov yoqishni taqiqlab qo‘ydi. Har yer-har yerda bepul suv olish stansiyalari o‘rnatilgan.
ABC telekanalining ta'kidlashicha, issiq havo tufayli bir necha kishi shifoxonaga tushgan.
Hozirda Avstraliyada yilning eng issiq fasli – yoz hukm surmoqda.
