O‘zbekiston Respublikasi Adliya vazirligi va O‘zbekiston Yoshlar ittifoqi yangi ijtimoiy videorolikni suratga oldi. U korrupsiya mavzusiga bag‘ishlangan.
Videorolikda o‘zbek kinosining taniqli aktyorlari suratga tushgan. Tasvirlarda yengil avtomashinani ta'qib etib kelayotgan huquqni muhofaza qilish organlari xodimlarini ko‘rish mumkin.
«Porani u o‘z xohishi bilan berdi, hech kim uni majbur qilgani yo‘q. Buning ustiga uni pora deyishga ham arzimaydi, mayda pul. Yo‘q, bu jinoyat emas!» - deydi rolikdagi bosh qahramon.
Rolikka esa «Qonun doimo biz bilan» so‘zlari yakun yasab bergan.