Россияда 2017 йилнинг 11 ойи давомида энг кўп содир этилган жиноят турига ўғирликлар айланди. Бу ҳақда РИА «Новости» мамлакат Бош прокуратураси статистикасига таянган ҳолда хабар бермоқда

Прокуратура маълумотларига кўра, 2017 йил давомида ушбу мамлакатда тахминан 738 мингта ўғирлик жинояти содир этилган.

Рейтингда иккинчи ва учинчи ўринни фирибгарлик ҳамда гиёҳванд моддалар айланмаси билан боғлиқ жиноятлар эгаллади. Таъкидланишича, содир этилган жиноятлар умумий сонидаги фирибгарлик улуши 7,5 фоиздан 10,7 фоизга ошган.

Кўрсатилган даврда 1,9 миллион жиноят қайд этилган бўлиб, бу 2016 йилдаги кўрсатгичдан 86 мингга камроқдир.