15:15 / 09.01.2018
12340

Erdo‘g‘an Suriya bo‘yicha bayonot bilan chiqdi

Foto: Reuters

Turkiya prezidenti Rajab Toyyib Erdo‘g‘an seshanba kuni Suriyadagi “Firot qalqoni” amaliyoti yana tiklanishi mumkin ekani haqida ma'lum qildi.

“Anadolu” agentligining xabar berishicha, u Adolat va rivojlanish partiyasining Anqarada tashkil etilgan yig‘ilishida chiqish qilib, bu boradagi tegishli rejalari bilan bo‘lishgan.

"Agarda Alloh bunga yo‘l bersa, biz Afrin va Manbijda “Firot qalqoni” amaliyotini davom ettiramiz", - degan Erdo‘g‘an.

Avgust oxirida Turkiya hukumatiga yaqin bo‘lgan “Sabax” gazetasi Anqara “Firot qalqoni” amaliyotining ikkinchi bosqichiga tayyorgarlik ko‘rayotgani haqida xabar bergandi. Amaliyotning birinchi bosqichi 2016 yilning avgustidan 2017 yilning martiga qadar davom etgan bo‘lib, Turkiya HHK va Suriya muxolifati kuchlarining zirhli texnikasi qo‘llab-quvvatlovi ostida o‘tkazilgan.

Top