Qozog‘istonda 2,5 mingdan ortiq kishi korrupsiya uchun sudlandi

Qozog‘iston prezidenti Nursulton Nazarboyev respublika xalqiga murojaatida qayd etganidek, mamlakatda korrupsiyaga qarshi preventiv kurash davom ettiriladi. Uning qozoq matbuotida e'lon qilingan to‘liq murojaatida ta'kidlanishicha, so‘nggi 3 yil mobaynida korrupsiya bilan bog‘liq jinoyatlar uchun 2,5 mingdan ortiq kishi sudlangan. 

"Korrupsiyaga qarshi kurash davom ettiriladi. Katta ish amalga oshirilmoqda. Birgina so‘nggi 3 yilda 2,5 mingdan ortiq kishi korrupsiyada aybdor deb topildi. Ular orasida yuqori lavozimli rahbarlar va davlat kompaniyalari boshliqlari bor", — deyiladi murojaatning to‘liq matnida. 

Prezident so‘zlariga ko‘ra, "shu davr mobaynida taxminan 17 milliard tenge (51,5 million dollarga yaqin) miqdoridagi zarar undirilgan".