Америка Қўшма Штатлари Европага 2018 йилнинг ёзида Европадаги ўз кучларининг ротацияси доирасида 1-кавалерия дивизияси таркибига кирувчи 1-танк бригадасини юборади. Бу ҳақда АҚШнинг НАТОдаги миссияси пайшанба куни маълум қилди.

"Америка армияси Европага 2018 йилнинг ёзида 1-танк бригадасини юборади. У Техаснинг Форд-Худида жойлаштирилган 1-кавалерия дивизицияси таркибига киради ҳамда бу Atlantic Resolve амалиёти кучларининг навбатдаги ротацияси доирасида юз беради", - дейилади НАТО миссияси баёнотида.

Atlantic Resolve амалиёти 2014 йилнинг апрелида ишга туширилган. АҚШ ва НАТО расмий изоҳига кўра, унинг мақсади – Қримнинг Россияга қўшилганидан сўнг, Шарқий Европа мамлакатларининг “ўзига ишончини тиклаш”. АҚШ қуруқликдаги кучлари амалиёт доирасида Польша, Болтиқбўйи давлатлари, Руминия, Болгария ва Венгриядаги машқларда қатнашмоқда.